Do të ishte një gabim serioz nga ana e presidentit të ardhshëm amerikan t’i rikthehet marrëveshjes së arritur muajin e kaluar mes fuqive botërore dhe Iranit për programin bërthamor.
Të paktën ky është qëndrimi i Shtëpisë së Bardhë, ndërsa presidenti Obama përgatitet t’ia lëshojë vendin kreut të ardhshëm të shtetit pas presidencialeve të vitit 2016.
Arsyeja përse Shtëpia e Bardhë e përshkruan rrëzimin e marrëveshjes si një veprim të marrë është pasi një gjë e tillë nuk ka qëllim të qartë përveçse do ta bënte përballjen ushtarake në Lindjen e Mesme më të mundshme. “Uniteti ndërkombëtar do të dekonspirohej totalisht nëse pas një viti e gjysmë presidenti i ri tërhiqet nga marrëveshja edhe pse Irani është duke e zbatuar atë”, tha zëdhënësi i Shtëpisë së Bardhë, Josh Earnest.
Disa kandidatë republikanë për Shtëpinë e Bardhë thanë se do ta bëjnë të pavlefshme marrëveshjen nëse zgjidhen president.
Guvernatori i Uiskonsin, Scott Walker dhe ish-senatori Rick Santorum janë pozicionuar fuqishëm kundër marrëveshjes duke thënë se do ta shfuqizojnë sapo të marrin detyrën. Rick Perry tha se do të rivendoste sanksionet që ditën e parë në detyrë.
Por, ish-guvernatori i Floridës, Jeb Bush është pak më i butë në kritika, duke thënë se do të konsultohet me aleatët e Amerikës pëprara se të ndërmarrë ndonjë veprim.
Dhjetë garuesit kryesorë republikanë për të marrë nominimin e partisë në presidencialet e vitit të ardhshëm do të kenë rastin të shfaqin publikisht mendimet e tyre në debatin e parë mes republikanëve ditën e enjte. /tesheshi.com/
