Shtetet e Bashkuara kanë njoftuar se po dërgojnë një ushtri shtesë në Lindjen e Mesme pasi protestuesit sulmuan objektin e ambasadës amerikane në Bagdad, duke ndezur zjarr me thirrjen, “Vdekja për Amerikën!”
Të zemëruar për sulmet ajrore amerikane në bazat e një grupi të armatosur shiit të dielën, qindra burra marshuan në Zonën e Gjelbër, duke kërkuar që trupat amerikane të largoheshin nga Iraku.
Sekretari i Shtetit Mike Pompeo tha se sulmi ishte “i orkestruar nga terroristët”, njëri prej të cilëve njihet si Abu Mahdi al-Muhandis.
Al-Muhandis është identifikuar si njeriu i dytë i grupit Hashd al-Shaabi, i mbështetur nga Teherani, një grup paramilitar i cili gjithashtu përfshin Kataib Hezbollah, një grup i goditur në sulmet ajrore në SHBA.
Sekretari i Mbrojtjes Mark Esper tha më herët në një deklaratë se Shtetet e Bashkuara menjëherë do të dërgonin rreth 750 trupa në Lindjen e Mesme në përgjigje të protestave të dhunshme përpara ambasadës amerikane në Bagdad.
Esper tha në një deklaratë se ai kishte aprovuar dërgimin e një batalioni këmbësorie të Divizionit të 82-të Ajror nga radhët e Forcës së Reagimit të Shpejtë (IRF).
Ai saktësoi që trupa shtesë nga radhët e IRF do të vendosen në ditët e ardhshme, njoftoi Reuters.
Një postim i marinsave amerikanë në mediat sociale zbulon se trupat e tyre nga Kuvajti u dërguan në Irak.
Kjo është një shtesë e 750 trupave në një forcë ekzistuese amerikane prej 14,000 trupash që janë vendosur në Gji që nga maji si përgjigje e shqetësimeve nga Irani dhe sulmeve ndaj cisternave të naftës.
Për momentin, SH.B.A. ka rreth 5.200 trupa në Irak, kryesisht të ngarkuar për trajnimin e ushtrisë irakiane dhe ndihmën për të luftuar grupin ISIL. /tesheshi.com/
🇺🇸 ✈ US Marine Corps Bell Boeing V-22 Osprey dropoff inside US embassy in #Baghdad, #Iraq. pic.twitter.com/0MqueCKNf1
— KI Design (@KIDataApp) January 1, 2020
