Sekretari amerikan i Shtetit, Antony Blinken, tha se me paketën e fundit të ndihmës prej 775 milionë dollarësh, Amerika deri më tani ka ofruar ndihmë ushtarake për Ukrainën me 10.6 miliardë dollarë.
“Ndërsa i afrohemi ditës së 180-të të luftës brutale dhe të paprovokuar të Rusisë kundër Ukrainës, Presidenti Putin vazhdon sulmet e tij, duke shkaktuar dëme të tmerrshme mbi civilët dhe duke shkaktuar shkatërrim masiv të infrastrukturës civile. Presidenti Biden ishte i qartë kur tha se ne do të vazhdojmë të mbështesim popullin ukrainas në mbrojtjen e tyre kundër agresorit rus, për aq kohë sa të duhet”, tha Blinken.
Ai tha se po miratonte paketën e 19-të të ndihmës si pjesë e këtyre përpjekjeve.
“Kjo paketë prej 775 milionë dollarësh përfshin armë, municione dhe pajisje shtesë të Departamentit Amerikan të Mbrojtjes. Ndihma totale tani është 10.6 miliardë dollarë që kur administrata aktuale mori përsipër mbështetjen për palën e agresuar. SHBA, së bashku me aleatët dhe partnerët nga më shumë se 50 vende, i ofrojnë Ukrainës ndihmën kryesore të sigurisë në ruajtjen e sovranitetit dhe integritetit territorial të Ukrainës”, tha Blinken. /tesheshi.com/
