Në mes të debatit mes kryeministrit Isa Mustafa dhe aktivistëve të Vetëvendosjes, ku shefi i Qeverisë nuk ka ngurruar të përdorë fjalor ofendues ndaj Albin Kurtit, ka ndërhyrë edhe ish-kryeparlamentari Jakup Krasniqi.
Ai thotë se duke dëgjuar sesi komunikojnë qeveritarët me njerëzit që mendojnë ndryshme, është e domosdoshme të mendohet për edukimin mendor të përdoruesve të këtij fjalori ofendues.
“Nuk kam asnjë dyshim, urgjentisht na duhet të bëjmë diçka, për ta ndryshuar gjuhën e komunikimit për një bashkëbisedim me kulturë. Kurse atyre që u duket se kanë një farë arsimi, ju duhet shumë kohezioni e konsistenca për çdo formë te opinioneve që shfaqin në publik! Respektojeni opinionin publik e mos ua fyeni intelegjencën njerëzve. Ju lutem, sidomos qeveritarëve, përdoreni gjuhën njerëzisht! Mos u bëni skiftera vetëm me opozitën?! E “pula të lagura me ata që duhet të jeni Skiftera”, thuhet në reagimin e Krasniqit në Facebook.
Një ditë më parë, kryeministri Mustafa në një reagim të ashpër në Facebook e quajti Albin Kurtin edhe me epitetin gomar. Përplasja ka lidhje me aksionet e Vetëvendosjes, aktivistët e së cilës akuzojnë Mustafën e djemtë e tij për korrupsion /tesheshi.com/
