Xherdan Shaqiri apo Kristiano Ronaldo, Zvicra apo Portugalia? Mbrëmja e sotme do të përcaktojë se cila nga dy skuadrat do të marrë biletën për të qenë pjesë e Botërorit “Rusia 2018”.
Takimi që do të luhet në Lisbonë në orën 20:45 është si një finale, ku zviceranëve i mjafton edhe një barazim, për të prerë biletën e pjesëmarrjes në botëror, pa kaluar në fazën play-off.
Në anën tjetër, portugalisë së Ronaldos i duhet vetëm fitorja, në të kundërt duhet të përgatiten për play-off.
Në përballjen e parë mes tyre, e luajtur më 6 shtator në stadiumin “St. Jakob-Park” në Basel, zviceranët triumfuan me rezultatin 2:0, me golat Embolo dhe Mehmedit.
Futbollistët e Zvicrës në mbrëmjen e sotme do të synojnë një barazim. Me kombëtaren zvicerane aktivizohen Xherdan Shaqiri, Granit Xhaka, Admir Mehmedi, Blerim Xhemaili e Valon Behrami, ky i fundit është i lënduar.
Trajneri i Zvicrës, Vladimir Petkoviç, synon fitoren e dhjetë rresht, ndërsa udhëheq grupin me 27 pikë, me një golavarazh 23:5.
Portugalia mban vendin e dytë, me 8 fitore e 1 humbje, me një golavarazh më të mirë se Zvicra, 30:4. /tesheshi.com/
