Franca ka ndaluar fushatën e nisur nga Këshilli i Evropës në luftën kundër gjuhës së urrejtjes kundër myslimanëve, raporton Anadolu Agency (AA).
Duke folur për LCI TV, Sarah El Hairy, ministrja franceze për Rininë dhe angazhimin e tyre, tha se ishte e tronditur nga fushata e Departamentit për Përfshirje dhe Kundër Diskriminimit.
“Fushata është kundër vlerave të Francës. Videoja e fushatës inkurajon mbajtjen e shamisë. Ne e dënojmë këtë. Franca përcolli mosmiratimin e saj për këtë fushatë në Këshillin e Evropës dhe fushata u anulua”, tha El Hairy.
Pasi Franca u kujdes të anulonte fushatën, Këshilli i Evropës fshiu të gjithë përmbajtjen e postuar në llogarinë e fushatës në Twitter.
Komisioni Evropian ka siguruar fonde për fushatën në kuadër të programit të ligjit, barazisë dhe qytetarisë, shkruan gazeta “Le Figaro”.
Fotot e grave të veshura me shami janë postuar në llogarinë në Twitter të Departamentit për Përfshirje dhe Kundër Diskriminimit me parullat “Liria është në shami”, “Sillni gëzim dhe pranoni hixhabin” dhe “Bukuria është në diversitet si liria në hixhab”. “.
Këshilli Kushtetues i Francës në gusht të këtij viti miratoi një ligj të diskutueshëm kundër separatizmit që është kritikuar për margjinalizimin e muslimanëve në komunitetin mysliman francez – më i madhi në Evropë me 3.35 milionë anëtarë – dhe vendosjen e kufizimeve në shumë aspekte të jetës së tyre. /tesheshi.com/
