Nuk mund t’i mungonte dhe Agron Gjekmarkaj debatit mbi shaminë, një figurë heraherës dhe groteske, sidomos në prirjen për t’i ngjarë Edi Ramës e për ta sfiduar këtë të fundit me shkrime si Edi penëhidhur i viteve ’90, pagëzuar po prej Ramës, si “Padër”, një etiketim ironik shkatërrues për këtë islamofob që vjen nga bota katolike shqiptare.
I padijshëm për mëshirë në çështje fetare, edhe Padër Gjekmarkaj sajon mite për shaminë, me supersajesën që as ata që e kanë sajuar s’dinë të shpjegojnë: Islami politik.
“Projektligji për lejimin e shamisë ambjentet institucionale shkolla e zyra në Kosovë nuk është respektim i fesë por përdorim i saj politik. Një përdorim me pasoja tragjike për imazhin e kombit tonë”, e nis një shkrim të tij profesori i gjuhë-letërsisë te Filologjiku në Tiranë, ku zakonisht nuk ka asnjë fjali me korrektësi gjuhësore në shkrime.
Por vëreni: e nis shkrimin me fjalën “projekligj”. Nuk ka asnjë projektligj Padër! Eshtë një urdhër administrativ nën qeverisjen e Hashim Thaçit që, në kundërshtim me Kushtetutën, pengon arsimimin e vajzave më shami. Kaq. Ky urdhër duhet të hiqet.
Dhe kur e nis një shkrim si i padijshëm, nuk ia vlen më t’u bëhet analizë gjithë çaprashitjeve që pasojnë, deri në fjalën e fundit. /tesheshi.com/
