Massimiliano Allegri duket se ka marrë një vendim ekstrem për sulmuesin Paolo Dybala, pasi penalltia e gjuajtur prej tij në ndeshjen Juventus-Lazio u prit nga Thomas Strakosha, i cili mund të cilësohet si heroi i mbrëmjes së djeshme për lacialët.
Juventus humbi përballë Lazios me rezultatin 1-2, por në sekondat e fundit pati shansin e artë të barazonte pas akordimit të një 11 metërshi.
Goditja e penalltisë u bë nga Dybala, ndërsa Strakosha ndali topin pa prekur rrjetën. Kjo është penalltia e dytë që sulmuesi i Juventus humbet përballë portierëve shqiptarë, pasi edhe Ertrit Berisha që luan me Atalantën, i mohoi një gol nga pika e bardhë.
“Dybala është një lojtar i madh. Ai ka bërë shumë për ne dhe do të bëjë akoma dhe më shumë. Herën tjetër, nëse do të kemi një portier shqiptar si rival, nuk do ta lë të gjuajë penallti”, tha Allegri pas takimit kundër Lazio-s.
Nuk dihet nëse kjo ishte një shaka apo një vendim. /tesheshi.com/
