Deputeti i pavarur në Parlamentin e Kosovës, Shaip Muja, në fjalimin e tij që ka mbajtur në seancën e jashtëzakonshme pas ndalimit të Ramush Haradinaj në Slloveni, ka dorëzuar publikisht pasaportën diplomatike, duke thënë se ‘ajo nuk vlen fare’.
Ai ka deklaruar se do të ndërpresë biznesin me Slloveninë e ka bërë thirrje që qytetarët dhe institucionet të bëjnë të njëjtën gjë.
“I turpshëm është reagimi i shtetit për ngjarjen. Janë shkelur të drejtat e Haradinaj në Slloveni. Të rishikojmë e anulojmë ratifikimet që kemi bërë me Slloveninë. Duhet t’i ngrijmë të gjitha raportet dhe të bëjmë një aktakuzë drejtuar kryeprokurorit të Republikës së Kosovës dhe ta padisim Vuçiçin, Daçiçin dhe të gjithë ata që i fshehin krimet që janë bërë karshi viktimave kosovare”,- tha Muja
Nga ana tjetër, deputetët janë shprehur se neglizhenca e shtetit të Kosovës sjell pasiguri. /tesheshi.com/
