Vladimir Putin, presidenti i Rusisë, mbajti konferencën e tij tradicionale vjetore për shtyp sot, më 19 dhjetor, në të cilën tha disa gjëra interesante – nga sugjerimi për një “duel raketash” me SHBA-në e deri te përmendja e një burri me një “prerje flokësh të çuditshme” me të cilin ranë dakord për paqen me Ukrainën në vitin 2022.
Më konkretishtm Putin ftoi Shtetet e Bashkuara të Amerikës në një duel raketor, i cili, sipas tij, do të “tregonte se si raketa balistike hipersonike ruse Oreshnik mund të mposht çdo sistem amerikan të mbrojtjes antiraketë”.
Duke iu drejtuar skepticizmit perëndimor për Oreshnik-un, presidenti rus sugjeroi që palët të zgjedhin një objektiv specifik në Kiev që do të mbrohet nga raketat amerikane dhe që Rusia të lëshojë raketën e saj: “Ne jemi gati për një eksperiment të tillë. Ky do të ishte interesant për ne.”
Në një moment, presidenti rus tha se Rusia beson se mund të përdorë armë bërthamore kundër vendeve që e kërcënojnë atë.
Rusia lëshoi një raketë Oreshnik në qytetin ukrainas Dnipro më 21 nëntor, për të cilin Putin tha se ishte në përgjigje ndaj përdorimit të parë të raketave balistike amerikane ATACMS nga Ukraina dhe British Storm Shadows për të sulmuar territorin rus me lejen perëndimore. Burimet amerikane dhe britanike thanë në atë kohë se ata besonin se raketa e lëshuar në Dnieper ishte një raketë eksperimentale balistike me rreze të mesme veprimi me aftësi bërthamore (IRBM), e cila ka një rreze veprimi teorik më pak se 5500 km. Kaq mjafton për të arritur në Evropë, por jo në SHBA.
Putin e hapi konferencën me një rrëfim për ekonominë, duke thënë se situata ekonomike në Rusi është stabile dhe shtoi se këtë vit rritja e PBB-së në Rusi mund të jetë 3.9 ose 4 për qind. Ai nënvizoi se Rusia është përpara Evropës dhe se Kina, SHBA-ja dhe India janë përpara Moskës për nga zhvillimi ekonomik.
Ai tha gjithashtu se situata në frontin ukrainas po ndryshon në mënyrë drastike dhe se ushtarët rusë po pushtojnë çdo ditë kilometra katrorë të hapësirës: “Lufta është e ndërlikuar, por ne po i afrohemi arritjes së qëllimit parësor të këtij operacioni special”.
Duke folur për Sirinë dhe rënien e regjimit të Assad-it, ai tha se kjo nuk ishte një disfatë për Rusinë dhe se Assad u mund kaq shpejt, sepse forcat e ish-presidentit sirian u larguan nga pozicionet e tyre pa rezistencë. Putini iu përgjigj edhe pyetjes së Keir Simmons nga NBC Neës, i cili i tha liderit rus se kur të takohet me presidentin e sapozgjedhur të SHBA-së, Donald Trump, a do të ketë ai një “dorë më të dobët” në negociata?
“Nuk e di kur të do të takohem me Trump, por unë jam gati për komentin tuaj për dobësinë time – ata që ju paguajnë duan që unë të jem i dobët Ne po forcojmë edhe aftësitë tona luftarake, të cilat janë në nivelin më të lartë në botë, dhe kjo vlen edhe për industrinë e mbrojtjes”.
Ai gjithashtu iu përgjigj pyetjes nëse është i gatshëm të bëjë kompromis për armëpushimin: “Politika është arti i kompromisit, Rusia ka qenë gjithmonë e gatshme për negociata”. Ai pretendoi se ishte arritur një marrëveshje me Kievin në vitin 2022, por Boris Johnson – të cilin ai e quajti “njeriu me prerje flokësh të çuditshme” – e kishte ndaluar Ukrainën të bënte paqe. Kujtojmë se Rusia akuzoi Johnson për dështimin e negociatave në fillim të këtij viti. /tesheshi.com/
