Ish-kreu demokrat Berisha ka injoruar paq paralajmërimin amerikan se nëse ai kthehet në krye të PD-së, SHBA ndërpret marrëdhëniet me këtë parti, thënë kjo nga Yuri Kim.
Berisha ka mbajtur një konferencë, ku në delir ka pretenduar se “Foltorja” e tij ka zgjuar shpresa dhe në botë madje.
“Së pari, më duhet të them se Foltorja ka zgjuar shpresa të mëdha në mbarë botën, dhe unë dua t’u informoj se kjo pritje që shihni në Shqipëri për Foltoren, nuk është më pak entuziaste në vendet mike.
Nuk janë më të pakta përgëzimet që marr për këtë nismë shpëtimtare të pluralizmit vendet evropiane, por edhe nga nivele të larta të elitës në SHBA, në krahun republikan”, ka thënë berisha, pa cituar se kush janë këta përkrahës të pretenduar të “Foltores”.
Ai madje ka shkuar më tej, duke iu drejtuar ambasadores:
“Zonjës dhe cilitdo tjetër i them se nëse ka një provë, fakt të vetëm e ftoj t’i dërgojë në gjykatën në Paris.
Shpreh kënaqësinë time të madhe, se miq, përfaqësues të vendeve mike, të elitës amerikane nuk pranojnë, nuk binden, madje e marrin thjesht si një hakmarrje politike deklaratën se kemi prova por nuk i themi. Kjo ka marrë fund. Ke prova, çoi para gjykatës”, tha Berisha.
Ai jo vetëm shprehu besimin se do rimarrë drejtimin e PD-së, por se dhe do rikthehet si kryeministër.
Deklarimet e Berishës u bënë gjatë aktit të dorëzimit në PD të firmave për mbledhjen e Kuvendit Kombëtar. /tesheshi.com/
