Fëmijët nën 12 vjecc, sipas mjekëve, nuk duhet të përdorin fare celularët. Megjithatë, në realitet pothuajse 98% të nxënësve nën atë moshë përdorin celularët. Prindërit e kanë më të lehtë që kur shkojnë në punë, ta dijnë se në çdo moment ata mund të jenë në kontakt me fëmijën e tyre.
Por krahas këtij avantazhi vijnë edhe një varg gjërash negative, përfshirë ngacmimet dhe dhunën në mesin e fëmijëve. Bazuar në sondazhet e deritanishme, mund të themi se kemi arsye për shqetësim – një numër shumë i madh i fëmijëve me celularë marrin mesazhe me përmbajtje të papërshtatshme.
Përveç kësaj, nga komuniteti shkencor njoftojnë se përdorimi i telefonit celular ndikon negativisht në shëndetin e personit i cili është duke e përdorur atë, e në veçanti nga kategoria më e ndjeshme që janë fëmijët. Ekspertët këshillojnë që t’i mësojmë fëmijët që më shpesh të dërgojnë mesazhe me tekst dhe më pak të flasin.
Fituesja e Çmimit Nobel. dr. Devra Davis, një shkencëtare e njohur amerikane, argumenton se për shkak të përdorimit të telefonave celularë brenda disa viteve ne do të përballemi me një katastrofë shëndetësore globale.
Dr. Davis është veçanërisht e shqetësuar për komunitetin e fëmijëve dhe këshillon përdorimin e telefonave celularë nga ata vetëm në situata të jashtëzakonshme. Për rrezatimin me celular po diskutohet për shumë vite – shkencëtarët thonë një gjë, prodhuesit flasin diç tjetër.
Nga ana tjetër prindërit janë në dilemë- është e vështirë për t’i shpjeguar një fëmije që nuk mund të kenë atë që kanë gjithë të tjerët, por është e vështirë të mos jemi në kontakt me fëmijën gjatë mungesës së tyre, në anën tjetër.
Zgjidhja?
Ndalimet nuk kanë dëshmuar një histori e suksesshme dhe fëmijëve duhet t’u shpjegohet në mënyrën më të pranueshme për ta, roli i telefonave celularë, anët e mira dhe të këqija të tyre. Gjithashtu, nuk duhet të teprojmë duke u blerë fëmijëve modele të shtrenjta celularësh që ofrojnë shumë mundësi për argëtim dhe lojra, pasi në këtë mënyrë ne inkurajojmë përdorimin e tyre edhe atëherë kur nuk është e nevojshme. /tesheshi.com/
