Edhe pse një ekip i sukseshëm vitet e fundit, Shkëndja e Tetovës është e dënuar që disa ndeshje të rëndësishme të mos i luajë në stadiumin e saj. Së fundi, shkëndijasit udhëtuan
drejt Strumicës, për ta luuajtur në stadiumin e këtij qyteti ndeshjen në kuadër të Ligës së Evropës përballë Dacias, pa patur pra në shkallë asnjë tifoz të vetin.
Trajneri Qatip Osmani thotë se mungesa e publikut të Tetovës mund të ndikojë në rezultatin.
“Sigurisht se kemi dashur të luajmë para publikut tonë në Tetovë, më e mira do të ishte kjo. Por ne nuk vendosim se ku do të luajmë, megjithatë jemi të përgatitur edhe në Strumicë të nxjerrim një rezultat pozitiv”, tha Osmani.
Po pse ka ardhur kjo situatë?
Ndonëse UEFA, 2 vite më parë lëshoi fonde përmes projektit “Het Trik 4” për rikonstruskionin e 5 stadiumeve të Maqedonisë, përfshirë edhe atë të i Tetovës, megjithatë ai ende nuk i plotëson kushtet për një ndeshje evropiane. Federata maqedonase e kreu punën e saj me kohë, duke rregulluar fushën e gjelbërt dhe ndriçimin, por ajo që ishte në kompetencë të komunës së Tetovës, rikonstruksioni i tribunave dhe zhveshtoret, mbetën në harresë.
Brenda stadiumit të Tetovës ulëset janë të thyera dhe të vjetëruara, ku disa mezi dallohen prej barishteve që mbuluar tërësisht.
Komuna e Tetovës ka premtuar se bashkë me partnerin publik-privat do të ndërhyjë, ku tenderi parasheh minimum 7 milion euro në investime për 35 vjet.
“Me përfundimin dhe kompletimin e dokumentacionit për partneritetin publiko privat do të kemi një shpallje për këtë partneritet dhe besoj që do të kemi një proces të suksesshëm për të zgjedhur një partner privat me të cilin do të bëjmë një partneritet publiko privat ku do të bëhet një investim më i madh ku do të kemi një rikonstruim të tërësishëm të stadiumit të qytetit”, tha Ahmet Qazimi, udhëheqës të sektorit për veprimtari publike në Komunën e Tetovës. Këtë stadium e shfrytëzojnë tre ekipet: Shkëndija, Renova dhe Teteksi. /tesheshi.com/
