Komisioni Evropian do të zbulojë një paketë rregullash për udhëtime të sigurta ajrore muajin tjetër, kur masat kundër përhapjes së sëmundjes Covid-19, përfshirë distancimin shoqëror në aeroporte, janë shfuqizuar, ndërsa disa linja ajrore amerikane kanë futur masa mbrojtëse.
Komisionerja Evropiane për Transport, Adina Valean tha se masa të tilla përfshijnë veshjen e maskës dhe dezinfektimin e avionëve dhe aeroporteve.
“E gjithë kjo duhet të jetë pjesë e këtyre udhëzimeve, dhe ne me siguri do të dalim me këtë strategji në mes të majit,” tha ajo në Twitter, raporton Hina.
Shoqata Ndërkombëtare e Transportit Ajror (IATA), e cila vlerëson se kriza mund të kushtojë linjave ajrore deri në 314 miliardë dollarë, vlerësoi se kërkesa për shërbimet e tyre do të rikthehej me masa të tilla si kontrollet dhe testimet.
Delta Air Lines, linja e parë ajrore amerikane që lëshon rezultate tremujore, paralajmëroi se rikuperimi do të jetë kompleks dhe do të varet nga ndjenja e sigurisë së pasagjerëve.
“Kur i pyet njerëzit se çfarë është më e rëndësishmja t’i bësh ata të fillojnë përsëri udhëtimet, thonë se duan të ndjehen që janë të sigurtë”, tha udhëheqësi i Delta, Ed Bastian.
Ende nuk dihet nëse autoritetet rregullatore amerikane do të sjellin masa të përgjithshme për sektorin e aviacionit, tha Bastian. /tesheshi.com/
