Me gjasë, ndërkombëtarët, më saktë SHBA do kenë një tjetër angazhim në krizën shqiptare, atë për të detyruar kryebashkiakët e PD-së që të lirojnë zyrat pas disa javësh, edhe për faktin se u mbarron mandati sipas Kodit Zgjedhor, por dhe për t’u liruar vendin pasardhësve të dalë nga 30 qershori, tashmë i çertifikuar ndërkombëtarsisht.
Sinjalin e parë të rebelimit të pritshëm e dha kreu i Bashkisë së Mallakastrës, Agron Kapllanaj, i cili sinë rastin e KZAZ-ve, duke iu referuar 13 tetorit të Metës dhe njëherësh anullimit të 30 qershorit, tha se këtë të fundit nuk do e njohë, as ai e as homologët opozitarë.
“Do ta lirojmë zyrën kur të vijë pasardhësi jonë i zgjedhur sipas ligjit. Kur të ketë zgjedhje jo votime, këto votime nuk i njohim. Ky është vendim i marrë, i bërë i ditur edhe nga opozita, dhe nga kryetari. Këto janë zgjedhje farsë, nul dhe nuk do të njihen. Do vazhdojmë të qëndrojmë në detyrën tonë”,tha Kapllanaj, në përfundim të një takimi me Bashën.
Të njëjtin paralajmërim bëri dhe Xhelal Mziu i Kamzës, një prej kryebashkiakëve simbol të PD-së.
“Asnjë shans për të lëshuar zyrën përpara zgjedhjeve të 13 tetorit. Është e mjaftueshme duke parë raportin e fundit të OSBE/ ODIHR ku theksohet se është shkelur ligji dhe zgjedhjet janë të paligjshme. Shihemi në zgjedhjet e tetorit”, tha Mziu, duke iu referuar kështu diçkaje jo-ekzistente. OSBE i njeh zgjedhjet, e njeh 30 qeershorin dhe po përgatit një raport përfundimtar mbi standartet e tij. /tesheshi.com/
