Ky sezon veror që po afron pritet të mos e ketë si sfidë të detyrueshme rrugore aksin e tmerrshëm prej 7 km, Fier – Levan, një prej torturave të qarkullimit drejt jugut.
Kjo pasi do bëhet e mundur hapja e të paktën një korsie të By Pass-it të Fierit. Ishte ministrja e Infrastrukturës dhe Energjisë Belinda Balluku ajo që inspektoi punimet duke thënë: “është e rëndësishme, që ne t’i qëndrojmë premtimit që kemi bërë. Deri në 30 qershor kjo rrugë të jetë e hapur për mjetet e tonazhit të lehtë, pra që janë autobusët dhe automjetet e vogla. Nuk do jetë e hapur për kamionët dhe në 30 qershor premtimi do të mbahet”. /tesheshi.com/
