Turistët serbë preferojnë Shqipërinë para Greqisë për të bërë pushime.
Kështu shkruan B92 sa i takon destinacioneve kryesore turistike ku çmimet janë më të lira krahasuar me të tjera.
Dhe në shkrim, përveç detajeve që do t’i bënin serbët të zgjidhnin Shqipërinë para Greqisë theksohet gjithashtu se destinacioni më i mirë për ta për momentin është Durrësi. Kjo për shkak të çmimeve të favorshme të ushqimit dhe akomodimit, të cilat mund të variojë nga 30 deri në 60 euro në ditë për familje.
“Çmimet e shërbimeve janë ende shumë të favorshme, pra janë deri në 50 për qind më të ulëta në krahasim me Greqinë apo Malin e Zi”, thuhet në shkrim.
Por sa i përket jugut thuhet se çmimet janë më të shtrenjta, ku veçohet Ksamili i superpreferuar. /tesheshi.com/
