Sezoni i ri parlamentar e ka gjetur PD-në edhe më të shqyer si forcë, me protagonistë tre BE – Basha si kryetar i sërishëm i asaj pjese që posedon vulën, pra PD-ja zyrtarja, Berisha në kahjen tjetër si rithemelues por pa vulë, vetëm me selinë e ish-SHQUP-it, si dhe Bardhi Gaz, pra Gazmend Bardhi, i cili së fundi është ulur krah Berishës pas një ndarjeje me Bashën. Së paku, media e Berishës nuk do e sulmojë më te preferencat e diskutueshme erotike.
Në një mbledhje të Kolegjit të Kryetarëve, Lulzim Basha u shpreh se nuk do të lejojë askënd që për
interesa të vetat politike, “të çojnë demokratët symbyllazi në hullitë e nongratave”.
“Sa më shumë kohë harxhojmë për njëri-tjetrin, aq më lart njerëzve do të jemi”, theksoi ai.
Sa për mpleksjen e Bardhit me Berishën, duke bërë një takim me të gjithë deputetët përkrahës të tyre, pra ata kundër Bashës, ai që mban xanxën “non grata” deklaroi: “Na bashkoi përgjegjësia morale dhe ligjore që kemi para 620 mijë zgjedhjeve që votuan në 14 maj kundër Ramës”.
Kështu, nisja e sezonit të ri poltik e gjen opozitën edhe më të përçarë, ku fraza më e përdorshme prej tyre është: “Duhet bashkim”(!). /tesheshi.com/
