Pas minutave të para në qetësi, janë dhënë shenjat e para të një furtune në jetën parlamentare shqiptare. Por jo thjesht pozitë-opozitë.
Kjo është nuhatur nga fjala e kreut të grupit parlamentar të PS-së, Gramoz Ruçi, i cili ka shprehur kundërshtinë e tij për mënyrën se si është toleruar opozita. Kuptohet, nga kryeparlamentari Ilir Meta; të cilit pra i ka rënë me spond, duke u ndaluar tek minutazhi i pajustifikueshëm që i është dhënë opozitës në fjalën e saj, që sipas tij e ka kaluar disafish mazhorancën.
“Ne e respektojmë opozitën ndonëse ajo flet më shumë se kryeministri. Nuk do të kishte asgjë të keqe nëse fjala e opozitës është për ligjet, oponencën dhe diskutimet ndaj tyre, për marrëveshjen për rëndësinë e tyre, por s’thuhet asnjë fjalë për këtë. S’ka mendime e sugjerime për ndryshim legjislacioni e diskutimi mbi to, s’ka sjellë alternativa e nisma parlamentare.
Dështimi i dytë, mosngritja e mosshfrytëzimi i gjysëm orëshit në seancë për të folur për problemet e votuesve, kjo hapësirë nuk është shfrytëzuar edhe në sezonin që kaluam. Plot 8 orë e gjysëm u kemi borxh halleve e shqetësimeve të votuesve”, tha Ruçi. /tesheshi.com/
