Veteranët e parë britanikë të marinës mbërritën në Ukrainë për t’iu bashkuar luftës kundër forcave agresore ruse. Ish marinsat britanikë i janë bashkuar Legjionit Ndërkombëtar të Mbrojtjes Territoriale të Ukrainës.
Lajmi për vullnetarët britanikë u raportua fillimisht nga gazetari i Fox News, Lucas Tomlison, dhe më pas këtë lajm e raportoi edhe Forcat Tokësore të Ukrainës në profilin e saj në Facebook.
Ukraina ka regjistruar një faqe interneti për pranimin e aplikacioneve për anëtarësim në Legjionin Ndërkombëtar të Mbrojtjes Territoriale të Ukrainës.
Nga ana tjetër kujtojmë se Britania e Madhe është ndër ato vende që ka ndëshkuar ashpër ata shtetas të saj që iu bashkuan luftës në Siri, duke mos i gjykuar rast pas rasti por në grup.
Kështu, ka ndodhur që ka hequr nënshtetësinë dhe atyre britanikëve që kanë qenë me mision humanitar në Siri, si fjala vjen shpërndarës ndihmash, mjekë apo infermierë. /tesheshi.com/
