Banorët e Stambollit patën një mundësi orët e fundit për të shijuar e dëshmuar një pamje të mahnitshme – gjysmëhëna që ngrihet mbi siluetën e njohur të xhamisë Čamlıca. Kjo pamje piktoreske jo vetëm që magjepsi çdokënd që e pa direkt, me sy të lirë, por ngacmoi admirim dhe respekt për trashëgiminë e pasur kulturore dhe fetare të qytetit.
Ndërsa gjysma e hënës ngrihej ngadalë në qiell, drita e saj ndriçoi xhaminë dhe peizazhin përreth, duke krijuar një atmosferë magjike të papërsëritshme. Kjo skenë të kujton frymën dhe traditën e Stambollit, i cili ka qenë një shkrirje e kulturave, historive dhe feve të ndryshme për shekuj.
Xhamia Çamlıca, e ndërtuar mbi një kodër në anën aziatike, e cila ofron një pamje spektakolare të metropolit historik turk, ish-kryeqytet i Perandorisë Osmane e sot një ndër kryeqytetet e botës, është kthyer në një simbol të bashkëjetesës dhe paqes. Gjysmëhëna që ngrihet mbi të thekson më tej rëndësinë e tolerancës fetare dhe kulturore që ka qenë gjithmonë e pranishme në këtë megapol gjigand me afro 20 milion banorë. /tesheshi.com/
