E kanë thënë shumë politikanë të ndryshëm, dhe europianë por dhe nga Serbia, edhe pse Beogradi nuk e pranon.
Që Bashkimi Europian nuk do të japë viston për pranimin e Serbisë në BE, nëse kjo e fundit nuk e pranon Kosovën.
Këtë e ka thënë shkoqur dhe prerë, Daniel Serwer, një analist i nivelit të lartë në SHBA, që në shumë raste është zëri dhe mendimi i administratës së Uashingtonit, ku ka shërbyer edhe si këshilltar.
Në një intervistë të dhënë për Radion Europa e Lirë, profesori i Universitetit të njohur “John Hopkings” të Meryland-it tha se “anëtarësimi i Serbisë në Bashkimin Europian nuk është i mundur derisa nuk zgjidhen të gjitha çështjet serioze. Kjo nënkupton njohjen diplomatike të Kosovës dhe shkëmbimin e ambasadorëve. Nëse nuk e bën një gjë të tillë, nuk e di se si Serbia mund të bëhet anëtare e BE-së”.
Duke komentuar zgjedhjet parlamentare në Serbi, Serwer theksoi se kryeministri në pushtet, Aleksandër Vuçiq, ka fituar mbështetje të madhe për shkak të politikës së tij pro-evropiane, e cila ka qenë tema kryesore e fushatës së tij por shtoi se dyshimet janë në fuqi pasu Vuçiq ka qenë nacionalist ekstrem në të kaluarën.
“Shumë pyeten se përse Perëndimi është aq dashamirës ndaj Vuçiqit? Përgjigjja është e thjeshtë. Sekreti i diplomacisë është të bindni palën tjetër të bëjë atë që ju dëshironi. Dhe, Vuçiq po bën me sukses shumëçka që do BE-ja nga ai”, tha Serwer.
Analisti i njohur nuk mendon se Rusia do të mund të luajë rol serioz në rajonin e Ballkanit.
“Një gjë të tillë nuk e ka bërë as në vitet 1990, as në fillim të viteve 2000. Andaj, nuk mendoj se mund ta bëjë tani, marrë parasysh se do të përballet me vështirësi serioze financiare në disa vite të ardhshme”, theksoi Serwer.
/tesheshi.com/
