Një përplasje e re po shfaqet në horizontin e BE-së, ku sërish protagonist është presidenti francez, Emmanuel Macron. Pasi u fërkua me Salvinin, gjithnjë për emigrantët, kreu i Elizesë nuk e ka gëlltitur dot faktin që ambasadori francez në Hungari t’i thurr lavde një tjetër “Salvini” të Unonit, më të ashpër se kreu i Lega-s, Viktor Orban.
Mësohet se Macron ka shkarkua gjatë fundjavës ambasadorin në Hungari, Eric Fournier, pas një memo konfidenciale në të cilën ky i fundit vlerëson politikën anti-emigrant të kryeministrit Orban.
Në një dekret të publikuar në Gazetën Zyrtare, është Pasquale Andreani ai që emërohet si ambasador të ri në Budapest, raporton Reuters.
Në një memo konfidenciale të datës 18 qershor, Fournier ka shkruar Hungaria është një model për zgjidhjen e çështjes së emigrantëve, dhe se akuzat ndaj Orban janë trillime mediash.
“Në qoftë se ambasadori ka thënë këtë publikisht, ai do të lirohet menjëherë”, tha Macron të premten në një konferencë shtypi në Bruksel.
Dhe duket se e ka mbajtur fjalën, edhe pse memo-ja është kofidenciale, e nxjerrë nga disa media. /tesheshi.com/
