Ndërsa ka një terr informativ mbi viktimat në dramën që po ndodh në Kumanovë, policia speciale maqedonase ka zënë edhe qendrën shëndetësore të Lagjes së Trimave, duke kryer kështu një krim pasi në të gjithë botën Kryqi i Kuq, Gjysmë Hëna e Kuqe apo organizatat shëndetësore janë të lira të punojnë edhe në luftë duke mos u ndërhyrë nga palët.
Burime nga spitali i Shkupit kanë bërë me dije për “tesheshi.com” se një grup i specialëve të policisë ka marrë në dorë specialin shtetëror të kryeqytetit të Maqedonisë dhe nuk lejon afrimin të asnjë kamerë apo gazetari. Po ashtu burime theksojnë se banorët e ndodhur në lagjen që ndodhet në kodrën e Kumanovës janë në gjendje të rëndë dhe nuk lëvzin dot.
Në Lagjen e Trimave në Kumanovë rreth orës 15.00 sërish janë intensifikuar shkëmbimet e zjarrit Zona ku po ndodhin këto të shtëna është në afërsi të ambulancës shëndetësore në këtë lagje. Banorët kanë rrethuar disa shtëpi në një rrugë, ku pikërisht po ndodhë përleshja e armatosur.
Banorët rrëfejnë për tmerrë dhe të izoluar totalisht, dhe se shtëpitë e tyre në këtë lagje janë stërmbushur me forca speciale policore.
Dëmet konsiderohen të jenë shumë të mëdha, si djegie të shtëpive, dëmtime nga armët e zjarrit dhe dëme tjera materiale.
