Ish-të përndjekurit politikë kanë dalë sërish në bulevard për të kërkuar shembjen e bunkerit që po ngrihet në anë të ministrisë së Brendshme. Këtë radhë, disa prej tyre, janë lidhur me pranga në mënyrë simbolike për të protestuar ndaj asaj që e cilësojnë fyerje për shkak të ngritjes së bunkerit.
Ndërsa në bulevard, pranë ministrisë, ish-të përndjekurit shprehnin edhe një herë zemërimin e tyre që nuk lidhet vetëm me bunkerin, një përfaqësi e tyre është takuar me presidentin Nishani.
Në këtë takim, ish-të përndjekurit thanë se do t’i kujtojnë kreut të shtetit premtimet për heqjen e simboleve të komunizmit, reformën në Drejtësi dhe hapjen e dosjeve.
Ata thanë se në takim, kanë kërkuar nga presidenti hapjen e dosjeve, pasi sipas tyre, njerëz me dosje janë sot ne komisionin e reformës në Drejtësi. /tesheshi.com/
