Arabia Saudite po pretendon se disa dronë të armatosur kryen sulme në dy pikave pompuese të naftës. Lajmin e bëri të ditur ministri i Energjisë Khalid al-Falih.
Sulmet kishin shënjestër dy stacione të pompimit të naftës në tubacionin lindje-perëndim, tha ai në deklaratat e cituara nga agjencia zyrtare e lajmeve e Arabisë Saudite.
Ai tha se sulmet kanë shkaktuar zjarr në një stacion pompimi, gjë e cila arriti të mbahej nën kontroll.
Më herët, televizioni Al-Masirah, i cili shërben si medium i rebelëve Huthi të Jemenit, tha se rebelët kishin kryer sulme ndaj instalimeve të naftës në Saudite, por pa dhënë detaje.
Gjigandi i naftës Aramco e ndaloi operimin e tubacionit, si masë parandaluese pas sulmeve.
Të hënën, Arabia Saudite tha se dy tankierë nafte u goditën nga sulm sabotues në brigjet e Emirateve të Bashkuara Arabe, një ditë pasi Emiratet e Bashkuara Arabe thanë se katër anije tregtare ishin vënë në shënjestër sabotazhi në brigjet e qytetit-port Fujairah. /tesheshi.com/
