Mediat e Zelandës së Re janë argëtuar shumë gjatë orëve të kaluara, duke përcjellë lajmin nga Shtetet e Bashkuara, sipas së cilës, qeveria amerikane paralajmëruar qytetarët e saj që të mos udhëtojnë në Zelandën e Re, ëe kjo për shkak të 23 rasteve të infeksionit COVID-19.
“Një paralajmërim i tillë po vjen përkundër faktit se ka më shumë se dy milion raste aktive në Shtetet e Bashkuara (popullsia 328 milion), dhe ku transmetimi lokal i virusit është pothuajse ‘i siguruar’”, shkruajnë mediat e Zelandës së Re.
Presidenti amerikan Donald Trump planifikon të hapë ngadalë kufijtë, duke hequr disa kufizime, por së fundi erdhi një paralajmërim për amerikanët që të mos udhëtojnë drejt Zelandës së Re.
“Deri më 6 gushti 2020, Zelanda e Re (popullsi 4.8 milion) kishte 1.569 raste të konfirmuara të COVID-19. Aktualisht, 23 raste janë aktive”, tha qeveria e SHBA, duke theksuar se ata janë të interesuar të mos deklarojnë se të gjitha këta persona, pra 23, janë në izolim të kontrolluar nga sistemi.
Pastaj, kolegët nga Zelanda e Re u kujtojnë amerikanëve, se, nëse dëshirojnë, ata nuk mund të vijnë në këtë ishull. Përkatësisht, vetëm qytetarët e këtij vendi dhe të huajt me leje qëndrimi të vlefshme lejohen të hyjnë në Zelandën e Re – dhe madje edhe atëherë ata duhet të kalojnë të paktën 14 ditë në karantinim të kontrolluar nga shteti dhe të kenë një provë negative COVID-19 para se të kthehen në shoqëri.
“Po ashtu, qeveria jonë ka vetëm një mesazh të thjeshtë në faqen e saj të internetit për këdo që dëshiron të udhëtojë jashtë vendit, përfshirë SHBA – Jo!”, shkruajnë media e Zelandës së Re. /tesheshi.com/
