Ardhja e trajnerit të ri, Luciano Spallettit, nuk ka sjellur shumë fryte tek skuadra e Romës, që ndalet sërish në një tjetër barazim, kësaj rradhe në shtëpi ndaj Hellas Veronës, (1-1).
Megjithëse pjesa e parë iu takoi romakëve, që realizuan përmes belgut Radja Nainggolan, nuk ka mjaftuar që të marrin pikët e plota nga fundi i ndeshjes.
Ishte Giampalo Pazzini ai që realizoi nga pika e bardhë në minutën e 61, për të sjellë baraspeshën.
Në vazhdimin e ndeshjes, portat mbetën të paprekur dhe ndeshja u mbyll me rezultatin baraz, ashtui siç kishte përfunduar edhe dueli i parë në Veronë.
Pas këtij barazimi, Roma mban vendin e pestë me 35 pikë, ndërsa Verona të fundit me nëntë pikë.
Ndërkohë, kampioni në fuqi Juventus, ka vazhduar formën e mirë të rezultateve, duke gjunjëzuar këtë javë Udinesen në udhëtim, (0-4). Dy gola të argjentinasit, Paolo Dybala dhe nga një tjetër të realizuar nga Sami Khedira dhe Alex Sandro, kanë mjaftuar që biankonerët që të mbyllin llogaritë në 45-minutëshin e pjesës së parë, pasi në të dytën rrjetat më nuk u prekën.
Pas këtij triumfi, Juventus afrohet në vetëm dy pikë nga Napoli, skuadra që kryeson kampionatin.
/tesheshi.com/
