Sulmuesi i Lazio-s, Ciro Immobile është zyrtarisht golashënuesi më i mirë në Evropë, pra fituesi i Këpucës së Artë 2020, pasi Cristiano Ronaldo nuk do luajë ndeshjen e kësaj të shtune mes Juventusit dhe Romës.
Ronaldo është lojtari i vetëm që mund të kapërcejë teorikisht Immobile-n në listën e golashënuesve duke pasur parasysh se ai ka shënuar katër gola më pak se sulmuesi lacial që ka shënuar 35 gola këtë sezon. Por Maurizio Sarri nuk do e aktivizojë Ronaldon në ndeshjen e fundit në Serie A kundër Romës, raporton Football Italia.
Kjo do të thotë që Immobile e përfundoi sezonin si golashënuesi më i mirë në Evropë me 35 gola, përpara Robert Lewandoëskit nga Bayern i cili shënoi 34.
Ai është i treti italian që fiton titullin, pas Francesco Totti-t në sezonin 2006/07 me 26 dhe Luca Toni-t i cili fitoi titullin me 31 gola një vit më parë.
Lionel Messi nga Barcelona ka fituar Këucën e Artë në tre vitet e fundit, ndërsa shoku u tij të skuadrës Luis Suarez në sezonin 2015/16.
Immobile gjithashtu mund të thyejë rekordin e Serisë A për golat e shënuar në një sezon, pasi i mungon një gol për të arritur Gonzalo Higuain i cili shënoi 36 gola në 2016 ndërsa luante për Napolin. /tesheshi.com/
