Nerazurët kanë pësuar “shok” të vërtetë, pas disfatës në shtëpi ndaj Sassuolës, (0-1). Edhe më të dhimbshëm humbjen e bën goli i pranuar në kohën shtesë, teksa Domenico Berrardi ka konvertuar në gol penaltinë e shkaktuar nga Miranda, duke i marrë lidershipin skuadrës së drejtuar nga Roberto Mancini.
Tashmë kampionati italian, udhëhiqet nga Napoli, që në udhëtim regjistroi fitore bindëse, përballë Frosinone-s, (1-5).
Goleadën e hapi mbrojtësi spanjoll, Raul Albiol, e vazhdoi Gonzalo Higuain me dy gola, Marek Hamsik me një dhe e mbylli Manolo Gabbadini, për të marrë fitoren më të ëmbël këtë edicion garash, që i bëri lider të rinj të Serisë A.
Vendasit morën vetëm golin e nderit në fundin e ndeshjes, të realizuar nga Paolo Sammarco./tesheshi.com/
