Pas 33 vitesh, Napoli fitoi titullin e kampionit të Italisë, por mediat e huaja sapo kanë mësuar se skuadra nga stadiumi “Diego Armando Maradona” do të ketë një humbje të madhe pas një suksesi të madh.
Napoli feston Scudetton e famshme pas 33 vitesh pritje. Napolitanët arritën bindshëm majën e Italisë, por kanë një detyrë vërtet të vështirë përpara, të mbajnë njerëzit më të rëndësishëm në ekipin e tyre.
Por ndoshta nuk do munden. Madje njeriu që krijoi këtë skuadër jashtëzakonisht të fuqishme pritet të kalojë në radhët e rivalit të urryer.
Konkrerisht drejtori sportiv Cristiano Guintoli po kalon te Juventusi.
Bëhet fjalë për 51-vjeçarin që ka punuar tetë vitet e mëparshme te Napoli dhe ka realizuar transferta të shumta të mëdha dhe të cilit do t’i bashkohet edhe shefi i shërbimit të skautizmit, Maurizio Micheli, raporton AM Sport.
Guintoli qe përcaktues në suksesin e skuadrën e jugut të Italisë, duke sjellë futbollistë fenomenalë si Khviche Kvaratskhelia, Victor Osimhen, Kim Min-Jae… Të gjithë të listuarit ishin anonimë, për t’u bërë yje të mëdhenj te “Maradona”.
Kurora e punës së tij është padyshim titulli kampion në Apenine dhe shumë janë të mendimit se ai është njeriu më meritor për këtë…/tesheshi.com/
