Një faturë e lëshuar nga Serbia me ankronimin FYROM (por serbisht, siç dallohet në foto), e ka nxehur keq diplomacinë e Shkupit. Kjo e fundi i është drejtuar me urgjencë Beogradit zyrtar që të përdor emrin kushtetues – Republika e Maqedonisë – e jo shkurtesën referuese, pra ankronimin që e shmang artikulimin e çdo forme “Republikë e Maqedonisë”, gjë që “çon ujë në mullirin grek”, nëse i referohemi telashit dicavjeçar që Shkupi ka me Athinën për çështjen e emrit.
“Shfrytëzimi i referencës dhe shkurtesa nga referenca në vend të emrit kushtetues të Republikës së Maqedonisë është në kundërshtim me marrëdhëniet e krijuara diplomatike midis Republikës së Maqedonisë dhe Republikës së Serbisë. Kjo parregullsi duhet menjëherë të korrigjohet. Besojmë se provokimi i tillë i cili i lëndon ndjenjat e qytetarëve të Maqedonisë nuk është pasqyrë e fqinjësisë së mirë. Është e papërshtatshme dhe e turpshme të emërohemi në mënyrë fyese midis fqinjëve”, thuhet në një deklaratë të Mnistrisë së Punëve të Jashtme në Maqedonisë.
Fatura që ka irrituar autoritetet shtetërore dhe politike maqedonse, është kapur në një pikë-pagesë doganore në Serbi.
Ka vite që Maqedonia vuan mosnjohjen e emrit të saj nga Greqia, gjë që është bërë shkak dhe për mos-anëtarësimin e saj në NATO e ngecjes së procesve të tjera, prej vetos greke që ia kërkon me ngulm të mos quhet Maqedoni, me argumenta historiko-etnike. /tesheshi.com/
