“Sigurisht se do të kërkojmë dorëzimin e Haradinajt” – tha kryeminsitri serbe Vuçiq para gazetarëve, duke komentuar rreth arrestimit të kreut të AAK-së, raporton Blic.
Ai theksoi se është shumë mirë që ligji është mbi politikën, dhe dëshiron të besojë që në Francë të mos dëshmohet e kundërta.
Në pyetjen nëse ka presione rreth Haradinajt, Vuçiq tha se nuk e di se si bëhet presion ndaj tij. Ai tha se nuk do lëshohet në nivel të tillë komunikimi që të lejonte çfarëdo presioni ndaj tij nga pala e Prishtinës, dhe se për të është e rëndësishme çfarë është e drejtë, dhe jo çfarë mendon pala kosovare.
Sipas tij, “Prokuroria jonë ka shumë dëshmi, shumë gjëra inkriminuese, dhe do të ishte shumë e pazakontë që Franca të mos veprojë në përputhje me ligjin, por me pikëpamjet politike”.
Ai theksoi se Haradinaj akuzohet për “shumë krime, duke filluar nga rasti i Gllogjanit deri të rasti i liqenit të Radoniqit”.
Ish-i akuzuari i Hagës dhe kryetari i Aleancës për Ardhmërinë e Kosovës, Ramush Haradinaj, është arrestuar në Francë, me një urdhër të Serbisë. Ai kishte me vete një pasaportë diplomatike, kur policia kufitare franceze e kishte arrestuar në aeroportin e Bazelit. Haradinaj ka arritur në aeroport përmes një fluturimi nga Prishtina. /tesheshi.com/
