Serbia shantazhon vendet e rajonit kundër anëtarësimit të Kosovës në UNESCO. Autoritetet në Beograd thanë se do të ndjekin votimin e secilit shtet anëtar të Këshillit Ekzekutiv të agjencisë së OKB-së, “ashtu sikundër ndoqëm shtetet në paradën ushtarake të Kroacisë në përvjetorin e operacionit Stuhia”.
Këtë koment, ministri i Jashtëm i Serbisë, Ivica Daçiç e bëri përpara mediave në Beograd, duke vënë në presion disa nga shtetet fqinje që janë pjesë e Këshillit Ekzekutiv të agjencisë së trashëgimisë kulturore botërore.
“Anëtar i këtij këshilli është edhe Mali i Zi, të shohim se si do të votojnë ata, ndërsa aty janë edhe disa shtete të tjera të cilave ne u kemi ndihmuar të hyjnë në UNESCO”, ka thënë ministri i jashtëm serb, duke i vënë edhe “emër” kërcënimit.
Ndërsa Mali i Zi duket se nuk ka marrë ndonjë vendim për përkrahjen ose jo të përpjekjes së Kosovës për të qënë pjesë e UNESCO-s. /tesheshi.com/
