Musa MUSTAFA
“Nuk do të lejojmë në asnjë mënyrë që funksionimi i energjisë elektrike në veriun e Mitrovicës dhe Kosovë të bëhet në bazë të ligjeve të Kosovës ashtu si parashihet me marrëveshjen e Brukselit. Pa marrë parasysh pasojat, Serbia nuk do të lëshojën veriu nga dora”.
Këto komente i ka bërë njeriu i parë i sistemit të energjisë elektrike të Serbisë EPS-it Nikolla Petroviç, ka njoftuar një burim i portalit tesheshi.com.
Sipas tij, “Beogradi nuk pyet për çmimin që do të paguajë, për minimin e marrëveshjes së Brukselit ndërsa nuk heq dorë nga furnizimi më energji elektrike veriun e Mitrovicës dhe Kosovës”.
Burime të portalit tesheshi.com, njoftojnë se “që nga një janari i 2016, kompania paralele serbe elektrokosmet që furnizon veriun me energji elektrike, do të shtypë fatura të reja për konsumatorët e saj në veri”.
“Tani kompania ilegale serbe elektrokosmet është duke bërë një fushatë tek banorët lokalë, të cilët po i informon se nga një janari do të formohet kompania e re serbe ‘elektrosever’, e cila do të furnizojë me energji elektrike mbi 12000 familje” ka thënë burimi.
Ai ka shtuar se “punëtorët e elektrokosmetit kanë pranuar udhëzimet e reja se si duhet të sillen me qytetarë duke i informuar ata se që nga një janari, energjia elektrike do të paguhet dhe çmimi i saj do të jetë sikurse në Serbi. Kompania që do të formohet ,‘elektrosever’, është ndërmarrje serbe që me vendim të Qeverisë së Serbisë do të funksionojë në veriun e Kosovës”.
Njeriu i parë i energjetikës së Serbisë EPS, Nikolla Petroviç, ka theksuar se “Qeveria e Serbisë kurrë nuk do të lejojë që furnizimi me energji elektrike i veriut të Kosovës të bëhet në bazë të rregullave dhe ligjeve të Qeverisë së Kosovës”.
Marrëveshja e Brukselit parasheh që furnizimi me energji elektrike i veriut të Kosovës të rregullohet në bazë të ligjeve të Kosovës, ndërsa pronar i kompanisë që do të formohet për këtë qëllim në veri, do të jetë asosacioni i komunave serbe të Kosovës.
“Duke qenë se Kosova po shtyn formimin e asosacionit të Komunave serbe, atëherë edhe Beogradi po ngutet që sa më shpejtë të rregullojë furnizimin ilegal me energji elektrike të veriut të Mitrovicës, Zveçani, Zubin Potoku e Leposaviqin” ka pohuar burimi.
Sipas tij “EPS-i planifikon që nëpërmjet televizioneve dhe radiove të njoftojë konsumatorët se energjia elektrike do t’i paguhet Serbisë e jo KEK-ut të Kosovës. Nëse pagesat do të jenë të vogla, atëherë do të kalojnë në planin e dytë, pra riedukimin e energjisë elektrike duke shfrytëzuar ditët e ftohta, ku do të bëjnë shkyçjen e konsumatorëve për orë të tëra dhe në këtë mënyrë i detyrojnë ata që ta paguajë energjinë elektrike.
“Nëse kjo nuk funksionon atëherë EPS-i ka planifikuar të aktivizojnë planin e tretë, i cili parasheh që deri në fund të dimrit energjia elektrike të llogaritet në paushall nga 20 euro në muaj për familje dhe 70 euro për biznese e ndërmarrje” thonë burime nga elektrokosmeti apo si do të thirret në janar ‘elektrosever’.
“Kompania do të kalojë edhe në paushall, me qëllim që të mos lejohen banorët që energjinë elektrike t’ia paguajnë Kosovës”,- ka thënë burimi nga elektrokosmeti.
Sipas burimet në tërë veriun e Kosovës, energjia elektrike paguhet dikur afro 5 për qind. Veriu i Kosovës i ka borxh KEK-ut diku mbi 30 milion euro, duke qenë se asnjëherë pas përfundimit të luftës energjia elektrike në veriun e Kosovës nuk është paguar./tesheshi.com/
