Serbia do të nënshkruaj sot marrëveshjen e tregtisë së lirë me Bashkimin Ekonomik Euro-Aziatik, një union i drejtuar nga Rusia.
Unioni, i cili shihet si rivali i BE-së, është i ndërtuar nga vende si Armenia, Bjellorusia, Kazakistani, dhe Kirgistani.
Duke folur për Euronews Florian Bieber, profesor për Politikën e Evropës Juglindore në Universitetin e Grazit, tha se Serbia është e ngecur në një taktikë politike të ndjekur prej kohësh.
“Po përpiqeshin ta bënin këtë tash e shumë vite. Mund të thuhet lehtë se Serbia po kopjon atë që Jugosllavia e bëri dekada më parë, përpjekjet për të qenë në mes të lindjes dhe perëndimit, “tha ai.
“Tani që oferta e integrimit në Bashkimin Evropian nuk është aq e fortë sa dikur, Bashkimi ekonomik Euro-Aziatik duket si një zgjedhje e mençur, ose kjo është së paku mënyra se si Presidenti Aleksandar Vuçiç po përpiqet ta shesë atë.”
Manovrat e Moskës në Ballkan
Kur u pyet se çfarë shpresonte të fitonte Rusia nga ftesa e Serbisë për t’u bashkuar me marrëveshjen e tregtisë së lirë, Profesori Bieber tha që ajo ishte më shumë simbolike sesa substancanciale.
“Për Moskën, kryesisht bëhet fjalë për politikë simbolike. Kjo është për të treguar që ajo ka njëfarë ndikimi në Ballkanin Perëndimor dhe ndonjëherë hedh “kunja” drejt syve të Evropës.
“Unë nuk mendoj se Rusia do të fitojë peshë të konsiderueshme ekonomike ose politike në rajon. Në fund të fundit, ajo është një rajon i rrethuar nga NATO, i integruar thellësisht në Bashkimin Evropian. Ky thjesht një lloj demonstrimi se Rusia po ushtron muskujt, kështu që kjo ka më shumë politikë dhe simbole sesa vet ekonomi “.
Marrëveshja e re e tregtisë së lirë mes Beogradit dhe Moskës e vë Serbinë në kundërshtim me Brukselin, pasi vendi është në mes të bisedimeve të pranimit në BE dhe pritet që të përafrohet me politikën e jashtme të BE si pjesë e këtij procesi. /tesheshi.com/
