Beogradi ndihet i shqetësuar pas qëndrimit të Presidentit të Kosovës se shumë shpejt do të zyrtarizohet padia ndaj Serbisë për genocid në Gjykatën Ndërkombëtare, duke u formalizuar ligjërisht nga Shqipëria që është anëtar i OKB-së.
Shkresën mund ta firmosë ose ministri i Jashtëm Ditmir Bushati, ose të jetë një shkresë të përbashkët e Presidentit Nishani dhe Kryeministrit Rama.
Presidenti i Kosovës, deklaroi sot në median e Prishtinës se “zyrtarizimi i akuzës përbën një akt normal demokratik që ka mbështetjen e Kosovës”.
Ndërkaq, ka reaguar me një shkresë zyrtare shefi i diplomacisë serbe, Ivica Daçic, i cili e ka shfaqur hapur faktin se Beogradi është shqetësuar shumë për këtë akt juridik, i cili do të jetë një duel i madh publik më shumë sesa një proces gjyqësor procedurual.
Në këtë gjyq bota do të marrë vesh të gjithë të vërtetën e akuzave ndaj UÇK-së dhe të krimeve që ushtria serbe ka kryer në Kosovë.
Në një farë mënyre, gjyqi ndaj Beogradit do të jetë edhe presion ndaj Aleksandër Vuçiçit për të mos rrëshqitur drejt Moskës, por edhe një rikthim i kredos morale pas akuzave disavjeçare ndaj shqiptarëve që i kanë akuzuar për marrje organesh e krime monstruose.
Sipas Daçicit, e gjithë tymnaja e Hashim Thaçit për ushtrinë e Kosovës, nuk ishte gjë tjetër veçse për të fshehur procedurat legale të padisë për genocid ndaj Serbisë.
Në një deklaratë të nr. 2 i qeverisë serbe theksohet se “Nuk ka kryer Serbia genocid në Kosovë, por ka qenë UÇK-ja që ka kryer genocid ndaj popullit serb.
Sipas Daçicit janë përgatitur dëshmi që e tregojnë këtë.
“Asnjë gjykatë as ajo Ndërkombëtare e Hagës mund të akuzojë Serbinë për genocid, por do të formohet Gjykata Speciale për UÇK-në”, tha Daçiç.
Më pas ai ka bërë një rikoshetë ndaj Tiranës, duke deklaruar se Kosova nuk është anëtar i OKB-së dhe nuk mund ta bëjë vetë akuzën. /tesheshi.com/
