erbia dhe një herë ka treguar se nuk është e gatshme për normalizim të marrëdhënieve me Kosovën. Me urdhër të Punëve të Brendshme të Serbisë, nuk është lejuar ekspedita e Kombëtares së Kosovës në karate të hyjë në Serbi për të marrë pjesë në kampionatin evropian të karatesë, që mbahet në Novi Sad.
Ky vendim ka sjellë reagime të krerëve kosovarë e vet karatesitëve.
Kryeministri Ramush Haradinajt e quan akt të papranueshëm që nuk i kontribuon normalizimit të marrëdhënieve ndërmjet dy shteteve tona.
Haradinaj, autoritetet serbe janë njoftuar më kohë nga Komiteti Olimpik i Kosovës për këtë udhëtim dhe pretendimi se ato nuk janë informuar me kohë është i paqëndrueshëm.
“Këtë akt ndalese të shtetit serb, të dytin më radhë brenda një kohe të shkurtë, e konsiderojmë si veprim që sinjalizon se Serbia po qëndron në politikat nacionaliste të konfliktit dhe refuzimit në vend të bashkëpunimit”, shkruan ai në Facebook.
Për mos-hyrjen në Serbi, ka reaguar edhe kampioni në karate, Herolind Nishevci.
“Sporti është vetëm një sport dhe asgjë më shumë. Dikush humb dhe dikush fiton. Shumë keq për ata që nuk e dinë se cfarë është sporti. Por, mbajeni mend se ju mund të na ndalni vetëm në shtetin tuaj”, shkruan Nishevci në Facebook. /tesheshi.com/
