Serbët lirojnë më në fund Nehat Thaçi, drejtorin e policisë për rajonin e Mitrovicës, të cilin e arrestuan javë më parë me akuzën për krime kundër popullatës serbe në Kosovë pas mbarrimit të luftës.
“Para disa minutash është liruar zotëri Thaçi. Pra, ai së shpejt pritet t’i bashkohet familjes të tij”, mësohet të ketë thënë ministri i Jashtëm, Enver Hoxhaj.
Thaqi u arrestuar që me 28 shtator në bazë të vendimit të Gjykatës së Lartë në Nish, për të cilin në fakt ishte lëshuar një urdhërarresti që nga viti 2010. Pas arrestimit të tij u shtuan zërat në politikën kosovare për ndërprerjen e bisedimeve me Serbinë.
Tashmë pritet se çfarë do të thotë vetë Thaçi për arrestimin e tij dhe si do reagojnë autoritetet serbe. Ajo çfarë nuhatet, është një presion ndërkombëtar për lirimin e tij, ose ndryshe “një ndërhyrje nga lart”. /tesheshi.com/
