Ushtria e Mianmarit ka udhëhequr politikën që kur ky shtet fitoi pavarësinë nga Britania e Madhe në vitin 1948.
Për më shumë se gjysmë shekulli, ushtria sundon në vend me një grusht të hekurt.
Që nga fillimi i viteve 1990, Mianmar është goditur nga sanksionet e Bashkimit Evropian dhe Shteteve të Bashkuara.
Në vitin 2012, kur vendi kaloi të ashtuquajturin tranzicion demokratik, disa prej këtyre sanksioneve janë lehtësuar, megjithëse embargoja e BE-së për armët mbetet në fuqi.
Grafiku vijues i siguruar nga Al Jazeera ilustron se cilat vende kanë furnizuar me armë Mianmarin që nga viti 1990. Sipas Institutit Ndërkombëtar të Stokholmit për Kërkimin e Paqes (SIPRI), furnizuesit më të mëdhenj të armëve në Mianmar janë Kina, Rusia, India, Izraeli dhe Ukraina.
Serbia është e dyta në aspektin e furnizimit me artileri pasi në Mianmar kanë arritur aeroplanët ushtarakë dhe anijet e prodhuara në ish-Jugosllavi.
SIPRI deklaron se nga Serbia për në Mianmar janë eksportuar 54 topa obus M-56 105 mm, në dy dërgesa nga viti 2001 deri në vitin 2008.
Në vitin 2008, nga Serbia në Mianmar janë dërguar 30 topa të kalibrit Nora B-52 155 mm.
Në Myanmar gjithashtu ka dërguar 12 avionë luftarakë G-4 Super Galeb.
Shumica e avionëve luftarakë, automjeteve të blinduara, pushkëve dhe anijeve vijnë nga Kina, ndërsa Rusia është furnizuesi kryesor i raketave tokë-ajër. /tesheshi.com/
