Enti Europian i Energjisë penalizon Serbinë pasi ka bllokuar kalimin normal të energjisë në rrjetin e interkonjeksionit Shqipëri-Kosovë.
Ministri i Energjisë Damian Gjiknuri ka marrë pjesë në Këshillin e Ministrave të Energjisë ku është shprehur se vënia në punë e kësaj linje është bllokuar nga Serbia.
Komuniteti i Energjisë ka hapur çështje kundër Serbisë dhe kërkohet zgjidhja brenda 31 dhjetorit 2016.
Që të bëhet i mundur operimi i kësaj linjë duhet që sistemi i transmetimit të Kosovës (KOSTT) të njihet nga ENSO-E, rrjeti europian i transmetimit. Pra, të njihet ndarja e sistemit të transmetimit të Kosovës nga sistemi i transmetimit të Serbisë, çka është dhe pjesë e bisedimeve në dialogun mes Prishtinës dhe Beogradit.
Gjatë punimeve të Këshillit, ministri Gjiknuri informoi edhe për ecurinë e reformave në sektorin e energjisë dhe sidomos për ecurinë e projektit TAP si një parakusht për zhvillimin e gazsjellësit IAP dhe degëzimti me Kosovën.
/tesheshi.com/
