Numri një i botës në tenisin për meshkuj, Novak Xhokoviç, ka fituar gjysmëfinalen në turneun US Open, por jo gjithçka ka shkuar në vaj për të gjatë ndeshjes.
Përballë francezit Monfils, që ka luajtur hera-herës një tenis të jashtëzakonshëm, Xhokoviç ka patur një moment kur nuk i ka përballuar nervat.
Ai ka kryesuar 2-0 me sete, ndërkohë që në setin e tretë epërsia ka kaluar në anën e kundërshtarit, që e ka fituar atë 6-3. Këtu Xhokoviç ka shpërthyer, duke shqyer bluzën.
Megjithatë, ai ia ka dalë ta fitojë setin pasardhës, duke e fituar njëkohësisht tërë takimin 3-1.
Xhokoviç do të përballet në finalen e Grand Slam-it amerikan me zvicerianin Vavrinka, që me të njëjtin rezultat mposhti në gjysmëfinalen Nishikorin.
Serbi, edhe pse tenisti më i mirë aktualisht në botë, njihet për lëshimin e nervave dhe për shpërthimet e herëpashershme në fushë kur loja nuk shkon ashtu siç duhet për të. /tesheshi.com/
https://youtu.be/WpIfbz_iQ4k
