Nga Mensur Krasniqi
Nuk kanë të ndalur ofendimet ndaj shqiptarëve në emisionin e gazetarit Vasko Eftov, Në qendër. Kësaj rradhe jo vet gazetari, por ishte ish-funksionari i shërbimit të intelegjencës serbe, Jugosllav Petrushiç, i cili bëri të tronditen të gjithë shqiptarët e Maqedonisë me deklaratën e tij ku thotë se para 15 viteve ka sjellë në Maqedoni shumë armë të tipit snajper. Sipas tij, me këta snajpera do të vriteshin të gjithë ushtarët e UÇK-së të cilët luftuan në vitin 2001 në rajonin e Kumanovës, Tetovës dhe Shkupit.
Petrushiç u shprehe se po të përdoreshin si duhet këta snajpera, asnjë ushtar i UÇK-së nuk do të mbetej i gjallë.
“Përveç këtyre armëve kam sjellë edhe armë të tjera në Maqedoni. Me këta armë në çdo kohë mundë të neutralizoheshin të gjithë terroristët të cilët u mblodhën dhe bënë luftë në Maqedoni. E kam fjalën ata kryengritës të cilët bënë luftë”, ka deklaruar Petrushiç.
Por Petrushiç përgënjeshtroi gazetarin Eftov kur tha se ish-kryeministri serb, Zoran Gjingjiç nuk është vrarë me njërin prej tyre, sicc pretendohet.
Po bëhen gati tre javë që gazetari kontravers, Eftov në emisionin e tij Në qendër, po lëshon ofendime e akuza ndaj shqiptarëve në forma të ndryshme. Herën e parë pretendoi që 30 mijë kosovarë kanë marrë nënshtetësi maqedonase, ndërsa herën e dytë deklaroi se shqiptarët nuk janë as 20 përqind në Maqedoni. /tesheshi.com/
Në video-xhirimin pas minutës së 3.30 mund të dëgjohet intervista ku në gjuhën serbe, Petrushiç dëshmon se ka sjellë armë në Maqedoni.
