Banorët e fshatrave në jug të Serbisë kanë thënë se nuk do të shkojnë në votime në 21 qershor sepse janë të zhgënjyer nga premtimet e pambajtura që morën tre vjet më parë, kur 95.67 përqind votuan që Presidenti në detyrë, Aleksandar Vuçiç të zgjidhet kreu i shtetit.
Në qendër të këtij zhvillimi është fshati Kukulovac, ku banorët kundërshtojnë qeverisjen lokale dhe shtetërore, të udhëhequr nga Partia Progresive Serbe (SNS) e Vuçiçit, sepse tre vjet më parë, gjatë fushatës zgjedhore presidenciale, atyre u ishte premtuar rrugë e asfaltuar dhe ndriçim rruge. gjithashtu dhe rregullimi i ujësjellësit dhe zgjidhja për ujërat e zeza, por qe asnjë nga këto premtime nuk është përmbushur, raportojnë mediat e Beogradit.
Vendasit thanë se për shkak të gënjeshtrave parazgjedhore, ata nuk do të shkojnë në zgjedhjet lokale dhe parlamentare të këtij viti në 21 qershor.
Kukulovce u bë i njohur në të gjithë Serbinë kur Vuçiqi fitoi 95.67 përqind të votave në zgjedhjet presidenciale të vitit 2017, të cilat u përsëritën për shkak të një seri parregullsish.
“Ne nuk kemi asfalt në shekullin XXI, nuk kemi dritë në rrugë, nuk kemi marrë asgjë. Eshtë turp,” ankohen banorët në këtë mënyrë, duke u frikësuar se fshati së shpejti do të shuhet, pasi ka gjithnjë e më pak fëmijë.
“Tani nuk duam më asgjë, madje nuk do të marrim edhe kuti votimi. I gjithë fshati pajtohet: nuk ka votim sepse jemi mashtruar vazhdimisht,” thonë fshatarët. /tesheshi.com/
