Presidenti i Partisë Liberal Demokratike serbe, Cedomir Jovanoviç ka paralajmëruar marrjen pjesë në Potoçari për të shënuar 23-vjetorin e gjenocidit në Srebrenicë.
Politikani që shkon “kundër rrymës” së nacionalizmit tradicional serb, u shpreh me këtë rast:
“Srebrenica është turpi dhe mëkati ynë; e ndjej nevojën e thellë njerëzore për të qenë atje. Ne nuk duhet të kthehemi tek ata që dëshirojnë të na kthejnë përsëri te urrejtja dhe çmenduria që na kushtojnë kaq shumë. Nuk është vetëm detyra ime si politikan, është dhe detyra ime si burrë dhe prind që të jem atje më 11 korrik. Kjo është më e pakta që mund të bëj”, tha Jovanoviç përpara nisjes për në Srebrenicë. /tesheshi.com/
