Në Serbi sot mbahen zgjedhjet e jashtëzakonshme parlamentare, zgjedhjet për Kuvend të Vojvodinës dhe zgjedhjet lokale.
Të drejtën për votim e kanë 6.739.441 qytetarë, në 8.378 vendvotime, prej të cilave 90 janë në Kosovë, 29 në burgje, kurse 38 janë jashtë vendit, njofton burimi informativ B92.
Për 250 vende deputetësh në Kuvendin e Serbisë do të garojnë 3.270 kandidatë në 20 lista zgjedhore, prej të cilave gjashtë janë për minoritetet.
Zgjedhjet parlamentare do të mbikëqyren nga 1.687 monitorues vendorë dhe nga 196 të huaj. /tesheshi.com/
