Në një pjesë të shoqërisë serbe vijon t’i thurren lavde Rusisë për pushtimin e Ukrainës.
E theksuar kjo sidomos të serbët e Bosnjes, pra ata të Republika Srpska, nga e cila prej kohësh vjen alarmi për rishpërthimin në tentativë të një vatre të nxehtë në Ballkan, më saktë në ish-Jugosllavi.
Pikërisht në Banja Luka u mbajt tubimi i radhës prorus, edhe me krerë politikë serbë të
atyshëm.
Në një prej pankartave fotografike ishte dhe Ramzan Kadyrov, një marionetë çecene e Putinit, siç e cilësojnë të tillë mediat boshnjake.
Kujtojmë se Putini, në arsyetimet e tij për pushtimin e Ukrainës, përdor si justifikim dhe bombardimin e NATO-s mbi Serbi gjatë luftës së Kosovës në 99-ën. Kjo ka bërë që serbët e rajonit ta shohin atë si “engjëll mbrojtës”.
E në kuadër të një lufte si kjo e sulmit në Ukrainë, ku qartazi Rusia po tenton të diktojë një tjetër rend botëror, serbët shohin në këtë projekt t’u hapet rruga e ambicieve të tyre. /tesheshi.com/
