Pjesëtarët e Shërbimit për Luftën kundër Drogës në Serbi, në bashkëpunim me Prokurorinë e Lartë Publike në Nish, kanë arrestuar pesë persona për shkak të ekzistimit të bazave të dyshimit se kanë kryer veprën penale të prodhimit dhe shpërndarjes së paautorizuar të narkotikëve.
Janë arrestuar E. N. (50), M. A. (35), F. L. (29), B. S. (40) dhe A. T. (69), shkruan Telegraf.rs.
Të dyshuarit janë arrestuar gjatë tentativës për të dorëzuar marijuanën, të cilën e kanë
transportuar me furgon në rrugën ndërmjet Tërnovcit të Madh dhe fshatit Turija.
Gjatë kontrollit në lokalet dhe automjetet që ata përdornin u gjetën 87 pako me marijuanë, të përgatitura për shitje të mëtejshme.
Të dyshuarve iu është caktuar masa e ndalimit deri në 48 orë dhe më pas do të dërgohen në prokurorinë kompetente brenda afatit ligjor.
Mediat serbe thonë se janë sekuestruar rreth 300 kg drogë.
Thuhet se lënda narkotike vinte nga Shqipëria. /tesheshi.com/
