Largimi i përfaqësuesve politikë serbë të Kosovës nga institucionet të shtunën, por dhe këtë të dielë, siç janë kryekomunarët, po çoi në tensione në pjesën veriore të vendit.
Lista Srpska, partia më e madhe e serbëve, ka vendosur të largohet nga institucionet qendrore të Kosovës, por edhe nga komunat në veri të vendit.
Ajo ka marrë këtë vendim rebelimi pas vendimit të autoriteteve të Kosovës për pezullimin e drejtorit të policisë për rajonin verior, Nenad Gjuriç.
Ky i fundit refuzoi të zbatojë vendimin për riregjistrimin e veturave me targa të lëshuara nga Serbia për automjetet e Republikës së Kosovës.
Pas këtij aksioni, pjesëtarët e policisë së Kosovës nga radhët e komunitetit serb kanë hequr uniformat. Aty thuhet se ky vendim është i vlefshëm deri në atë që e quajtën njoftim të arsyeshëm nga Prishtina për respektimin e Marrëveshjeve të Brukselit.
Sikur të mos mjaftonte kjo, që nga dje strukturat paralele serbe të udhëhequra nga bandat kriminale vazhdojnë të kërcënojnë me destabilizimin e vendit. Mesnatën e së shtunës është publikuar një video ku shihen disa persona të maskuar në veri të Kosovës.
Sipas regjistrimeve të Hetimit, këta persona të maskuar shihen duke gjuajtur me armë dhe duke bërtitur duke thënë se janë kthyer, duke aluduar për Kosovën.
Po ashtu, postera me mbishkrimin “Putini në Kosovë” u shfaqën në Mitrovicën e Veriut së bashku me flamujt rusë, krahas atyre serbë. /tesheshi.com/
