Mediat serbe bëjnë të ditur se ka një dalje të ngadalshme në votimet që janë zhvilluar në enklavat serbe në Kosovë.
KQZ në Beograd thekson se deri në orën 9.00 kanë votuar 5.2 përqind e zgjedhësve, por nuk ka dhënë ndonjë shifër të përafërt për Mitrovicën e veriut dhe tre komunat me shumicë serbe.
Misioni i OSBE-së ka hapur pesë qendra me degë përkatëse nëpër Kosovë.
Ky angazhim i OSBE-së bazohet në modelet e operacioneve të mëhershme, në veçanti atë të vitit 2014. OSBE do të jetë bartës i operacionit në Kosovë, duke përfshirë edhe ruajtjen e materialit të ndjeshëm që do të përdoret në këtë proces.
Pas përfundimit të procesit, OSBE do t’i bartë votat e grumbulluara në Rashkë dhe Vranjë (qytete në Serbi) dhe do t’ia dorëzojë ato Komisionit Zgjedhor Republikan të Serbisë për numërim e procedura të mëtutjeshme.
Gjatë zgjedhjeve parlamentare të Serbisë, të vitit 2014, Misioni i OSBE-së në Kosovë, për nevojat e operacionit të mbledhjes së votave pati hapur 10 qendra në mjediset me shumicë serbe, në mënyrë që t’u mundësonte votimin serbëve të Kosovës me nënshtetësi të dyfishtë.
Y.P – /tesheshi.com/
